Ngaa Tubong-Tubong?
Ang tinaga nga "tubong" nagakahulugan sang pag-amot-amot ukon boluntad nga paghatag sang imo bahin para sa pangkabiloganm nga kinahanglan ukon katuyuan. Ang ngalan sang Tubungan naggikan sa sining tinaga nga "tubong" kay suno sa aton kasaysayan ang pagtukod sang sini nga duog bilang isa ka banwa natigayon tungod sang pagtubong-tubogn sang mga pumuloyo sa kaiping nga mga lugar paagi sa pagsaylo sang ila puluy an sa sulod sang teritoryo sang Tubungan. Ini nga lihok ang pag-obligar sang ginakinahanglan nga numero sang pumuluyo antes kilalahon ang ini nga duog nga isa ka banwa.
Ang Tubong-Tubong Festival ginahiwat tagsa ka Mayo Uno sang tuig kaangot sang selebrasyon sang anibersaryo sang kahilwayan sang Tubungan bilang isa ka lubos nga banwa sa Probinsya sang Iloilo. Aton ini ginapatigayon suno sa masunod nga mga katuyuan:
Ang Tubong-Tubong Festival ginabug-osan sang nagakalain-lain nga mga hilikuton nga amo ang mga palaagyan sa pagpalab-ot sang nasambit nga mga katuyu-an.
Ang Tubong-Tubong Festival isa ka panawagan. Panawagan sa aton tanan nga Tubunganon sa pagtubong-tubong sang aton tagsa ka kusog, kinaadman sang aton damgo para sa aton palangga nga banwang TUBUNGAN.
Ang Tubong-Tubong Festival ginahiwat tagsa ka Mayo Uno sang tuig kaangot sang selebrasyon sang anibersaryo sang kahilwayan sang Tubungan bilang isa ka lubos nga banwa sa Probinsya sang Iloilo. Aton ini ginapatigayon suno sa masunod nga mga katuyuan:
- Pagpataas sang ihibalo sang tagsa ka Tubunganon sa aton tumandok nga kasaysayan, pagginawi kag pagbinatasan.
- Pagpatubo sang bugal sang pumuluyo bilang isa ka Tubunganon paagi sa pagdiskubrekag pagpasanyog sang duna nga mga kinaadman kasubong man ang pagkilala sang aton mga kasimanwa nga nagmadinalag on sa nagakalainlain nga patag sang pagpangabuhi.
- Ang pag-isa sang bug-os nga pumuluyo sa katigayunan sang pangkabilugan nga handum para sa Tubungan.
Ang Tubong-Tubong Festival ginabug-osan sang nagakalain-lain nga mga hilikuton nga amo ang mga palaagyan sa pagpalab-ot sang nasambit nga mga katuyu-an.
Ang Tubong-Tubong Festival isa ka panawagan. Panawagan sa aton tanan nga Tubunganon sa pagtubong-tubong sang aton tagsa ka kusog, kinaadman sang aton damgo para sa aton palangga nga banwang TUBUNGAN.